ကိုတင်မှာပါ
ဟိုတယ်တခုတွင် တည်းခိုနေသောဧည့်သည်တဦးက နံနက်စာစားသုံးရန်စားသောက်ခန်းမသို့ရောက်ရှိလာခဲ့ သည်။
" စားပွဲထိုးလေးလာပါဦး "
" ဟုတ်ကဲ့ လာပါပြီ "
" နံနက်စာစီစဉ်ပေးပါဦး "
" ဟုတ်ကဲ့ လိုအပ်တာမှာပါခင်ဗျာ "
"
ကြက်ဥကြော်၊ ကော်ဖီတစ်ကရား၊ ပေါင်မုန့်မီးကင်သုံးချပ်၊ သိုးသားဟင်းတစ်ပွဲ၊
ပန်းသီး၊ ရေနွေးကြမ်း၊ ပေါင်မုန့်အလွတ်သုံးချပ် ငါးမိနစ်အတွင်းရအောင်
စီစဉ်ပေးပါ။ မြန်မြန်လေးနော်... "
" ဒီလောက်အမျိုးအစားတွေကို ငါးမိနစ်အတွင်းရဖို့ဆိုရင် တစ်ရက်လောက်ကြိုတင်မှာမှ ရနိုင်ပါတယ်ခင်ဗျာ။ "
ရထားနောက်မကျအောင်
လန်ဒန်မြို့ ရထားဌာန၌ အလုပ်လာလျှောက်သူတစ်ဦးအား အရာရှိကလူတွေ့ စစ်ဆေးလေသည်။
" နာမည်ပြောပါ "
" စမစ်လို့ခေါ်ပါတယ် "
" မီးရထားလုပ်ငန်းအကြောင်းလေ့လာထားလား "
" ဟုတ်ကဲ့ "
" မြို့ပတ်ရထားတွေအမြဲနောက်ကျနေတာကို နောက်မကျအောင် ဘယ်လိုလုပ်မလဲ "
အနည်းငယ်စဉ်းစားပြီးနောက်....
" မီးရထားအ၀င်အထွက် အချိန်ဇယားကပ်ထားတာကို ဖြုတ်ပြီးသိမ်းထားလိုက်ပါ့မယ်..."
မှန်မှန်ပြောစမ်းပါ
ကျန်းမာရေးမကောင်းသည့် ဇနီးသည်က သူ၏ခင်ပွန်းဖြစ်သူကို စိုးရိမ်စိတ်ဖြင့်မေးမြန်းလေသည်။
" ရှင့်ကိုမေးစရာရှိတယ် "
" ဘာများမေးစရာရှိလဲ နေကောင်းအောင်သာနေပါကွာ "
" ကျွန်မမေးတာ အမှန်အတိုင်းဖြေရမယ်နော် "
" အေးပါ ကဲ.... မေးလေ.... "
" ကျွန်မသေသွားခဲ့ရင် ရှင်နောက်အိမ်ထောင်ပြုမှာမဟုတ်လား "
" မင်းကလဲကွာ မဟုတ်တာ "
" ကဲပါ မှန်မှန်ဖြေစမ်းပါ "
" မင်းနဲ့တူတဲ့နောက်အမျိုးသမီးတစ်ယောက်ကိုတော့ ရှာယူမှာပါ "
နှစ်၂၀ပြည့်
အိမ်ထောင်သက်နှစ်၂၀ပြည့်အထိမ်းအမှတ်အဖြစ် ဧည့်ခံပွဲပြုလုပ်ပြီးနောက် ဇနီးသည်ကခင်ပွန်းဖြစ်သူအား မေး လေသည်။
" လွန်ခဲ့တဲ့နှစ်၂၀ဖြစ်တဲ့ဒီလိုနေ့မှာ ကျွန်မတို့လက်ထပ်ခဲ့ကြတယ်နော် "
" ဟုတ်တာပေါ့ "
" အဲဒီနေ့တုန်းက ပျော်လိုက်တာ မင်္ဂလာပွဲလာတဲ့လူတွေလည်း အများကြီး "
" အင်း... ဟုတ်တယ် "
" အဲဒီနေ့ကိုဘယ်တေ့ာမှမမေ့ဘူး၊ ၀မ်းသာလွန်းလို့။ ရှင်ရော... "
" ငါလည်းဘယ်တော့မှ မမေ့ပါဘူး "
" ပျော်လွန်းလို့လား "
" ငါ့ဘ၀မှာ စိတ်ဆင်းရဲမှုစတင်ခဲ့တဲ့နေ့မို့လို့လေ။ "
No comments:
Post a Comment